ایک نیوز:مسلم لیگ ن کے مرکزی رہنما اور وزیراعظم کے کوارڈینیٹر اختیارولی خان کا وزیراعلٰی علی امین گنڈا کے بیان پر ردعمل سامنے آگیا۔
تفصیلات کے مطابق لیگی رہنما اختیار ولی خان نے اپنے ردعمل میں کہا ہے کہ تحریک انصاف کی حکومتیں پاکستان کی تاریخ کی کرپٹ ترین حکومتیں ثابت ہوئی ،گنڈاپور حکومت نے کرپشن کے سابقہ ریکارڈ بھی توڑ ڈالے ہیں، علی امین بتائیں اب اینٹ انہیں ماری جائے یا عمران کو ؟۔
انہوں نے الزام عائد کرتے ہوئے کہاتحریک انصاف جنرل باجوہ اور بیک ڈور ساشوں کے ذریعے حکومت میں آئی تھی ،عمران آج بھی کسی چور دروازے کی تلاش میں اسٹیبلشمنٹ سے بات کرنے کیلئے منتیں کر رہا ہے ،فوج کرپشن میں لتھڑی تحریک انصاف قیادت کیساتھ بیٹھ کر اپنا دامن داغدار نہیں کرے گی۔
اختیار ولی خان نے کہا کہ تحریک انصاف آٹھ حصوں میں تقسیم ہوچکی ہے عمران بھی کنٹرول کھو چکے ،بجلی کی قیمتوں میں کمی سے پورا پاکستان خوش جبکہ پی ٹی آئی والوں کو مرگی کے دورے پڑ رہے ہیں۔
ان کا مزید کہناتھا کہ شہبازشریف کی قیادت میں ملک کی ترقی کی سمت درست سمت میں بڑھنا شروع ہو چکی ہے ،اب وزیراعظم ہر ماہ قوم کو ایک سے بڑھ کر ایک نئی خوشخبری دیا کریں گے۔
